1-noyabrden baslap ózgeretuǵın tártipler
Derek: kknews.uz
Мобиль қурылмалар дизимге алынады.
Өзбекстан аймағында пайдаланылып атырған, сатыў ямаса жеке пайдаланыў ушын алып кирилетуғын ҳәм ислеп шығарылатуғын мобиль қурылмалар физикалық шахслар, импорт етиўшилер ҳәм ислеп шығарыўшы кәрханалардың мобиль қурылмаларды халықаралық өзине тән идентификация кодлары бойынша дизимге алыў системасына мүрәжат етиўи арқалы 1-ноябрьден бийпул, 1-декабрьден болса төлемли түрде дизимге алынады.
1-ноябрьден баслап есапқа алыў үскенелерин тексериўден өткериў бойынша мәмлекетлик хызметлер тек ғана Мәмлекетлик хызметлер орайлары ямаса Бирден-бир интерактив мәмлекетлик хызметлер порталы арқалы әмелге асырылады.
Онда есапқа алыў үскенелерин тексериў даўамлылығы:
юридикалық шахслар ушын – 4 жыл;
физикалық шахслар ушын – 8 жылды қурайды.
Суў хожалығы министрлиги уйым ҳәм шөлкемлер хызметкерлериниң базалық тариф ставкалары 1-ноябрьден 1,1 ҳәм 2020-жыл 1-январьдан 1,2 муғдарда дүзетиў коэффициентин қолланыў есабынан олардың мийнет ҳақысы көтериледи.