Nukus fm Нукус ФМ No'kis FM

ӨЗБЕКСТАН РЕСПУБЛИКАСЫ ПРЕЗИДЕНТИНИҢ ҚАЗАҚСТАН РЕСПУБЛИКАСЫ ПРЕЗИДЕНТИ МЕНЕН ТЕЛЕФОН АРҚАЛЫ СӨЙЛЕСИЎИ ҲАҚҚЫНДА



Өзбекстан Республикасы Президенти Шавкат Мирзиёев 11-октябрь күни Қазақстан Республикасы Президенти Нурсултан Назарбаев пенен телефон арқалы сөйлести.
Сөйлесиўде мәмлекет басшылары жоқары дәрежедеги сөйлесиўлерде ерисилген келисимлер шеңберинде көп қырлы еки тәреплеме бирге ислесиўдиң бүгинги жағдайын ҳәм перспективаларын додалады.
Өзбекстан ҳәм Қазақстан Президентлери өз-ара товар алмасыўдың көлеми артып, номенклатурасы кеңейип атырғанын қанаатланыўшылық пенен атап өтти. Аймақлараралық бирге ислесиўдиң потенциалынан нәтийжели пайдаланыўға айрықша итибар қаратылды.
Санаат, энергетика, транспорт-коммуникация, аўыл хожалығы ҳәм басқа да тараўларда анық қоспа жойбарлар бойынша исбилерменлер арасындағы бирге ислесиўди раўажландырыўдан еки тәреп те мәпдар екени  атап өтилди.
Мәдений-гуманитарлық, билимлендириў, денсаўлықты сақлаў ҳәм туризм тараўларындағы жедел бирге ислесиўди даўам еттириўдиң әҳмийетлилиги, бул мәмлекетлеримиз ҳәм халықларымыз арасындағы дәстүрий дослық қатнасықларын буннан былай да беккемлеўге хызмет ететуғыны атап өтилди.
Президентлер халықаралық ҳәм регионаллық әҳмийетке ийе актуал мәселелер бойынша да пикир алысты.
Тәреплер ең әҳмийетли мәселелер, соның ишинде, регионаллық қәўипсизликти тәмийинлеў, заманагөй қәўип-қәтерлерге қарсы биргеликте нәтийжели гүресиў бойынша қатнаслар уқсас екенин атап өтти.
Мәмлекет басшылары Өзбекстан ҳәм Қазақстан арасындағы дослық, жақсы қоңсышылық ҳәм стратегиялық шериклик қатнасықларын буннан былай да беккемлеў жолындағы умтылыслары исенимли екенин атап өтти.
ӨзА
    2018-10-12 16:25:56 |

Нөкис ФМ 100.4 каналында




Ҳаўа-райы



Миллий валюта көрсеткиши


Жоқарыға
Copyright © 2016-2018 Company Nukus Soft Engine