Nókis FM radiosında "Móldir tamshılar" rubrikası

Efirdegi jaylasıwı: NukusFm radiosında

Basqarıwshı: Minara Qalbaeva

Programma atı: "Móldir tamshılar"

Rubrika mazmunı: "Móldir tamshılar" --- Pák sezimler hám ómirdiń gózzal tuyǵıların shayır qosıq qatarları menen uyǵınlastırıwshı kewilashar rubrika. Onda insanıylıq qádiriyatlar, ómir sabaqları, mehir-muxabbat, doslıq hám jaqsılıqqa baǵdarlawshı pikirler arqalı qosıq mazmunı ashıp beriledi.

Efir waqtı: Kún dawamında

Format hám usıl: Minara Qalbaeva  ózine tán hawazı, hárbir sózi hám hárbir qosıq qatarları arqalı uzaǵı menen 5 minut dawamında júreklerge jıllı sezimler baǵıshlawǵa háreket etedi.

Rubrika 2020-jıldan baslap radio tolqınlarında hár háptede jańalanıp, arnawlı waqıtlarda úzliksiz tárizde efirge uzatılıp kelinbekte. Efir mazmunı boyınsha hárbir sanı bir-birin tákirarlamaǵan halda insan qálbinde jańasha kóz-qaras hám gózzal tuyǵılardı oyatıwdı maqset etken.

Eger siz muzikanıń mánisi hám onı sáwlelendiriwshi qosıq qatarları arqalı sezimler dúnyasın ashıwdı qáleseńiz, "Móldir tamshılar" siz ushın qolaylı hám mazmunlı tańlaw bolıp esaplanadı.